Sign Senei
DPP fforddiadwy, hyblyg ar gyfer gweithwyr proffesiynol cyfathrebu iaith arwyddion, wedi'i adeiladu gan ddehonglwyr, ar gyfer dehonglwyr.
Croeso i Sign Senei!
Rydym yn cynnal sesiynau DPP byw a fforddiadwy ar gyfer dehonglwyr, cyfieithwyr a gweithwyr proffesiynol eraill ym maes cyfathrebu.
Mae ein cymuned yn dod â dros 700 o bobl ynghyd o bob rhan o’r DU, Iwerddon a thu hwnt. Rydym yn dewis pynciau ar sail yr hyn y mae ein haelodau eisiau ei ddysgu, gyda chyfle i ofyn cwestiynau, rhannu profiadau ac archwilio syniadau gyda’n gilydd.
P’un a ydych am ddatblygu eich sgiliau iaith, diweddaru eich ymarfer proffesiynol neu ddysgu mwy am bwnc penodol, byddem wrth ein bodd pe baech yn ymuno â ni.
Ein Sesiynau DPP
Mae ein sesiynau’n cwmpasu tri maes:
sgiliau iaith, ymarfer proffesiynol a gwybodaeth am y cyd-destunau rydym yn gweithio ynddynt.
Uwchraddio Ieithyddol
Datblygwch eich sgiliau mewn gwahanol ieithoedd arwyddion, gan gynnwys ieithoedd arwyddion Gwlad Pwyl, America, Iwerddon a’r Eidal, yn ogystal ag Arwyddo Rhyngwladol.
Sgiliau Proffesiynol Craidd
Diweddarwch eich sgiliau dehongli a chyfieithu, ac archwiliwch ddulliau y gallwch eu defnyddio yn eich gwaith.
Cronfa o Wybodaeth
Dysgwch fwy am y pynciau a’r cyd-destunau rydych yn dehongli neu’n cyfieithu ynddynt.
Ar y gweill
Sul 18 Hyd | Interpreting Christmas Music
Sul 25 Hyd | Working with Deaf Clients in a Digital-First World
Sul 1 Tach | Choral Stories
Hygyrchedd
Ein nod yw creu amgylchedd lle gall pob gweithiwr proffesiynol gael mynediad at sesiynau a chyflawni eu gofynion DPP.
Oes angen dehonglydd BSL, ISL, Saesneg neu Gymraeg arnoch?
Anfonwch e-bost neu neges atom pan fyddwch yn archebu, fel y gallwn drafod y trefniadau.
Ein Sefydliadau Partner
Ein Polisi Ad-dalu
Rydym yn deall bod cynlluniau’n gallu newid, ac efallai y bydd angen i chi ganslo sesiwn DPP a archebwyd ymlaen llaw. Rydym yn hapus i gynnig ad-daliad ar docynnau sesiynau arferol os gwneir y cais o leiaf 14 diwrnod cyn y sesiwn.
Os yw’r cais yn nes at ddyddiad y sesiwn, byddwn yn ceisio rhoi ad-daliad os gallwn ddod o hyd i rywun o’r rhestr aros i gymryd eich lle. Os oes gennych gydweithiwr neu ffrind all ddod yn eich lle, gallwn helpu i drosglwyddo’r tocyn.
-
Sylwch: ni ellir rhoi ad-daliad os na cheir rhywun i gymryd eich lle.
-
Nid yw tocynnau ar gyfer cyfres o sesiynau yn ad-daladwy ar ôl y sesiwn gyntaf. Yn gyffredinol, nid yw tocynnau’n drosglwyddadwy oni bai fod hynny wedi’i gytuno ymlaen llaw.
-
Nid yw ffioedd archebu, gweinyddu a thocynnau yn ad-daladwy pan fyddant yn berthnasol.
Os oes angen trafod eich sefyllfa, cysylltwch â ni!